குழந்தைகளுக்கு மிகவும் பிடித்த இனிப்பான நவ்கட்

குழந்தைகளுக்கு மிகவும் பிடித்த இனிப்பான நவ்கட்

குழந்தைகளுக்கு மிகவும் பிடித்த இனிப்பான 'நவ்கட்'டை வீட்டிலேயே எளிமையாக செய்வது பற்றி பார்க்கலாம். தேவையான அனைத்து பொருட்களையும் எடுத்து வைத்துக் கொண்டு நவ்கட் செய்வது நல்லது. 

தேவையான பொருட்கள்: 

முழு பாதாம் பருப்பு - 1-1/2 கப் 

முழு பிஸ்தா பருப்பு - 1- 1/2

சாப்பிடக்கூடிய அரிசிக் காகிதங்கள் அல்லது எண்ணெய் தேய்க்கப்பட்ட மெழுகு காகிதம் - 6 

சர்க்கரை - 2 கப் (தனியாக) 

சர்க்கரை - 3 டேபிள்ஸ்பூன் (தனியாக) 

தண்ணீர் - 1/2 கப் 

தேன் - 3/4 கப் 

முட்டையின் வெள்ளைக் கரு - 2 

வெண்ணிலா எசன்ஸ் - 1 டேபிள்ஸ்பூன் 

செய்முறை: 

ஓவனை 350 டிகிரி சூடு செய்து பேக்கிங் காகிதத்தில் பாதாம் மற்றும் பிஸ்தா பருப்புகளை பொன்னிறமாகும் வரை 10 நிமிடங்கள் சூடு செய்யவும். 

ஒரு 8 இன்ச் கேக் அச்சை (8-inch-square cake pan) எடுத்துக் கொண்டு அதில் 2- சரியாக 8 இன்ச் அளவில் வெட்டப்பட்ட அரிசிக்காகிதம் அல்லது மெழுகுக்காகிதம் எடுத்து கொள்ளவும். அதில் ஒன்றை கேக் அச்சின் அடிப்பாதத்தில் வைத்துக் கொண்டு மற்றொன்றை தனியாக எடுத்துக் கொள்ளவும். முன்னதாக, கேக் அச்சின் பக்கவாட்டிலும், கீழும் தடவி இந்த மெழுகுக்காகிதம் வைத்துக்கொள்ளலாம். 

ஒரு லிட்டர் அளவு கொள்ளும் தடிமனான வாணலியில் 2 கப் சர்க்கரையையும், தண்ணீரையும் சேர்த்து பாகு பதத்தில் காய்ச்சி வைத்துக் கொள்ளவும். மற்றொரு புறம் ஒரு சின்ன பாத்திரத்தில் தேனை ஊற்றி இனிப்பு தர்மாமீட்டர் கொண்டு வெப்பத்தை அளக்கவும். இந்த தேனை மிதமான சூட்டில் 280 டிகிரி வரும் வரை 19 நிமிடங்கள் அடுப்பில் வைத்து தேன் கறுப்பு கலவையானதும் அடுப்பில் இருந்து இறக்கவும். 

இதே நேரம், முட்டை வெள்ளைக்கருவுடன் மீதமுள்ள 3 கப் சர்க்கரையை சேர்த்து மிக்சரில் நன்கு அடித்துக் கொள்ளவும். இதில் தேன் கலவையை சீராக ஊற்றி கிளறிவிட்டு சூட்டை அளந்தபின் மீண்டும் மிக்சரில் போட்டு கலவை கெட்டியாகும் வரை 5 அல்லது 10 நிமிடங்கள் அதிவேகமாக ஓடவிடவும். 

இந்த கலவை ஈரமாகவும், பளபளப்பாகவும், இருக்கும்போது வெண்ணிலா எசன்ஸை ஊற்றி இன்னொரு நிமிடம் மிக்சரில் ஓட்டவும். வேகமாக, பாதாம் பருப்புக்களையும், பிஸ்தா பருப்புக்களையும் இவற்றில் போட்டு கலந்து, முன்பே தயார் செய்து வைத்திருந்த கேக் அச்சில் ஊற்றவும். 

இனிப்பை மேலே கொட்டி சமப்படுத்தி 8 மணிநேரம் இருக்கும்படி வைக்கவும். கெட்டியாக பிடித்தபின், கேக் அச்சின் ஓரம் கத்தியை நுழைத்து, நவ்கட்டை வெளியே எடுத்து ஓரங்களை வெட்டி விட்டு, 1 இன்ச் சதுரங்களாக வெட்டவும். இந்த துண்டுகளை மெழுகுக்காகிதங்களில் சுற்றி வைத்துக் கெடாமல் பார்த்துக்கொள்ளலாம். 

இந்த சுவையான தேன் வாசம் நிறைந்த இனிப்பு பலகாரத்தை 35 நிமிடங்களில் செய்து விடலாம். முழுமையாக ஆகும் நேரம்: 9 மணி நேரங்கள் (8 மணி நேரம் ஊறுவது).