கோடைக்காலத்தில் இருந்து தப்பிக்க சருமத்துக்கான ஸ்பெஷல் பேக்

கோடைக்காலத்தில் இருந்து தப்பிக்க சருமத்துக்கான ஸ்பெஷல் பேக்

கோடைக்காலம் தொடங்கி விட்டது. சுட்டெரிக்கும் வெயிலில் இருந்து நமது சருமத்தை பாதுகாத்துக்கொள்ள தேவையான அனைத்து நடவடிக்கைகளையும் பின்பற்ற வேண்டும். எனவே உங்களுக்காக கோடைக்கேற்ற சில சரும பாதுகாப்பு குறிப்புகளை இங்கே காணலாம்.

குறிப்பு: 1

பாலில் குழைத்த சந்தனம் அல்லது கற்றாழை ஜெல் இவற்றை முகத்தில் பூசி, 10 முதல் 15 நிமிடம் வரை வைத்திருந்து, குளிர்ந்த நீரில் கழுவவும்.

குறிப்பு: 2

வெள்ளரி, தக்காளியை அரைத்து முகம், கை, கால்களில் பூசி இருபது நிமிடங்கள் கழித்துக் கழுவலாம். இதனால் முகம் பொலிவு பெறும். வெள்ளரி சருமத்திற்கு புத்துணர்ச்சியைக் கொடுக்கும்.

குறிப்பு: 3
 தர்பூசணி பழத்துண்டுகளோடு புதினா இலைகளைச் சேர்த்து அரைக்கவேண்டும். இந்தக் கலவையை முகம், கை, கால்களில் பூசி வர வெயிலால் பாதித்த சருமம் புத்துயிர் பெறும்.
 
குறிப்பு: 4
மருதாணி இயல்பிலேயே குளிர்ச்சித் தன்மைக் கொண்டது. அதனால் விரல்களில் மருதாணி வைத்துக்கொள்வதாலும், தலைக்கு தேய்த்து குளிப்பதாலும் உடல் வெப்பத்தைக் குறைக்கலாம்.